Aidhmeanna
- Tá sé mar aidhm ag an scoil cúram den chaighdeán is airde a chur ar fáil dá cuid daltaí, ionas go ndéanfar leas gach pháiste a chur ar aghaidh agus é/í a chosaint ón olc agus iad ar scoil.
- Caithfear bheith cinnte go bhfuil foireann na scoile ar an eolas le conas déileáil le cásanna/tuairiscí a nochtann mí-churam leanaí.
- Caithfear cur i bhfeidhm nós imeachtaí/modhanna a dheánann cosaint ar pháistí agus ar an bhfoireann scoile.
Tá Bord Bainistíochta Scoil Mhuire Caiseal(2) tar éis glacadh le “Tús Áite do Leanaí” , treoirlínte Roinn Oideachais agus Eolaíochta 1999 agus “Cosaint Leanaí”, Nósanna Imeachta Roinn Oideachais agus Eolaiochta 2001.
Oifigeach Teagmhála Ainmnithe (OTA)
An Príomhoide, Gráinne Uí Dhubhthaigh a bheidh ag feidhmiú mar OTA, nó an Leasphríomhoide más gá. Beidh an leasphríomhoide Deirdre Ní Dhuibhir mar ionadaí OTA(Deputy Designated Liaison Officer). Ar an OTA atá freagracht i leith chosaint leanaí, agus feidhmeoidh sí ar son na scoile maidir le cúrsaí a bhaineann le Feidhmeannas na Seirbhíse Sláinte, An Garda Siochána agus dreamanna eile nuair a bhíonn líomhaintí i leith mí-úsáid á bplé. Gach ní a bhaineann le próiseáil nó iniúchadh cúrsaí mí-úsáide ba chóir déileáil leis tríd an OTA.
Coscanna:
Is é an curaclam OSPS a úsáidtear sa scoil chun eolas a thabhairt do na páistí faoi chosc mí-churam. Cuirtear béim ar faoin snáthaonad “Sabhailteacht agus Cosaint”
Cleachtas
Is iad na poinntí seo a leanas a mhothaigh foireann na scoile a bhíonn tabhachtach i gcúram leanaí.
(A) Teagmháil fisiciúl:
Moltar don fhoireann scoile gan aon teagmháil mí-oiriúnach a bheith acu le páistí na scoile. Ba chóir teagmháil fisiciúil idir baill den fhoireann agus an pháiste a bheith bunaithe ar riachtanaisí an pháiste, ní ar riachtanaisí an duine fásta.
Má úsáidtear teagmháil fisiciúil chun sólás, suaimhneas nó cuidiú a thabhairt do pháiste ba chóir bheith cinnte go bhfuil sé (a) féiliúnach don pháiste agus go nglacann siad leis (b) Oscailte agus gan a bheith rúnda (c)Ag cur san áireamh aois agus leibhéal tuisceana an pháiste.
Ba chóir d’oibrithe scoile aon rud pearsanta do pháistí a sheachaint dhéanamh más féidir leis an pháiste é a dhéanamh dó/di féin.
(B) Cuairteoirí:
Tá sé de dhualgas ar an Phríómhoide teastais aon chuairteoir go dtí an scoil a seiceáil agus bheith cinnte go bhfuil aon ábhar in úsáid acu oiriúnach do pháistí.
Ón 1-11-2010 amach beidh ar aon duine atá ag obair leis na daltaí scoile foirm eolais a líonadh isteach roimh dul i mbun oibre leis na páistí. Tá an foirm seo i mbéarla agus ceangailte leis an pholasaí seo. (Form to be completed by Volunteers) Coinníonn an Príomhoide na foirmeacha seo i bhfillteán san oifig.
(C) Páistí a bhfuil sain-riachtanaisí leithris/cúrám speisialta de dhith orthu:
Nuair a dhéanann tuismitheoir a bpáiste a chlárú agus sain-riachtanaisí leithris aige/aici, is gá cruinniú a bheith idir na tuismitheoirí, múinteoir ranga, cúntoir riachtanaisí speisialta, agus an Príomhoide (agus b’fhéidir an pháiste má oireann sé) sula dtosnaíonn an páiste ar scoil chun cinntiú caidé na sain-riachtanaisí atá ag an pháiste agus conas ar féidir leis an scoil déileáil leis an riachtanais sin.
Cuirfear in iúl cé hé/hí an múinteoir/cúntóir i gceist sa chás seo agus beidh socruithe deánta fá choinne uair ar bith a bhéas an múinteor nó an cúntóir as láthair. Beidh cóip déanta de na dualgaisí a socraíodh air agus beidh seo i gcomhad an pháiste. Beidh an Bord Bainistíocht curtha ar an eolas faoin chleachtas sa chás seo fósta.
(D) Timpistí Leithris
Cuirfear glaoch ar thuismitheoirí chun cuidiú leis an pháiste na h-éadaí a athrú. Muna bhfuil na tuismitheoirí ar fáil, beidh air bheirt d’fhoireann na scoile cuidiú leis an pháiste. Beidh cuntas de na heachtraí seo coinnithe i leabhar san oifig agus cuirfear an phríomhoide agus na tuismitheoirí ar an eolas faoi.
(E) Múineadh Paistí aonaracha:
Tá sé mar pholasaí sa scoil seo go mbeidh gá ó am go h-am le teagasc páistí aonaracha. Sa chás seo beidh an múineadh ar siúl in áit oscailte i.e. Seomra ranga/halla áit a bhfuil fuinneoga nó fuinneog sa doras ag dul amach go dtí an phasáiste.
Má bhíonn cúntóir riachtanaisí speisialta ag obair le páiste, beidh siad i gcónaí faoi threorú an múinteoir ranga.
(F) Athrú do Chorpoideas/Snámh
Beifear ag súil go ndéanfaidh gach páiste iad féin a ghleasadh agus fósta a gcuid éadaigh a bhaint doafa don snámh 7rl..
Má tá cuidiú de dhith déanfar é in áit oscailte agus le cead ó na tuismitheoirí.
Ní bheidh ar mhúinteoirí/cuiditheoirí riamh páiste a ghléasadh nó a c(h)uid éadaigh a bhaint dé/di riamh i seomra príobháideach. Más mian le páiste/tuismitheoir go n-úsaideann siad seomra príobháideach beidh ar an tuismitheoir an cuidiú a thabhairt.
(G) Cuiditheoirí
Ó am go h-am cuidíonn tuismitheoirí le hobair na scoile agus go h-áirithe ag tabhairt cuidiú phraiticiúil ag an linn snámha, gléasadh don cheolchoirm Nollag 7rl..
Iarrtar ar gach cuiditheoir foirm eolas a líonadh sula dtéann siad i mbun oibre leis na páistí. (Form to be completed by Volunteers)
Coinníonn an príomhoide na foirmeacha seo i bhfillteán san oifig.
Cé go ndéanfar gach iarracht cloí le dea chleachtas mar a bhí luaite thuas, i gcás éigeandála muna bhfuil seo féideartha déanfar tuairisc iomlán den eachtra agus ba chóir an príomhoide agus na tuismitheoirí a chuir ar an eolas faoi.
Baint le polasaithe eile:
- OSPS (Sábháilteas & Cosaint)
- Cód Smachta na Scoile
- Cód Frithbhulaíochta na Scoile
- Ráiteas Sláinte agus Sábháltachta
- Snámh/Turais Scoile
Treoirlínte i dtaobh Mí-úsáid Leanaí a Aithint
Caithfear na comharthaí sóirt a iniúchadh i gcomhthéacs iomlán an pháiste agus a theaghlach. Bíonn trí chéim de ghnáth i gceist nuair a bhíonn mí-úsáid leanaí á iniúchadh.
Is iad sin:- ~ Na féidireachtaí a mheas
~ Na comharthaí sóirt a aithint
~ An t-eolas a thaifeadadh
Conas faisnéisiú leanaí a láimhseáil
Nuair a tugtar eolas faoi rún caithfidh an ball foirne a bheith mothálach agus é/í ag freagairt don eolas a tugadh. Beidh air/uirthi an páiste a chur ar a s(h)uaimhneas, ionas go mbeidh iontaoibh ag an bpáiste as/aisti, ach caithfear a chur in iúl go bhfuil gá le gníomh agus go mbeidh toradh ag éirí as – ina measc go gcaithfear daoine fásta eile a chur ar an eolas. Tá sé tábhachtach a rá leis an bpáiste go ndéanfar gach rud chun é a chosaint ach ní cóir geallúint a thabhairt nach féidir a chomhlíonadh e.g. gan an scéal a insint d’aon duine eile. Leas an pháiste an príomhrud sna cásanna seo. Chomh fada agus is féidir, is cóir mianta an pháiste a chur san áireamh, ag braith ar aois agus leibhéal tuisceana.
Tugtar an chomhairle seo a leanas do lucht scoile a dtugann páiste tuairisc dóibh i leith mí-úsáide.
- Tóg go bog é.
- Éist leis an bpáiste go hoscailte agus go mothálach.
- Bí dáiríre faoi gach tuairisc den tsaghas seo.
- Ná cuir treoircheisteanna agus ná tabhair moltaí don bpáiste.
- Cuir an páiste ar a s(h)uaimhneas ach ná tabhair geallúintí.
- Ná cuir bac ar an bpáiste agus é/í ag cuimhneamh siar ar eachtraí suntasacha.
- Ná téigh thar fóir agus tú ag freagairt don ghéarchéim.
- Mínigh go bhfuil seans ann go mbeidh breis cuidiú ag teastáil.
- Déan an comhrá a thaifeadadh go cruinn agus bíodh tuairisc ann faoi dátaí, amanna, ainmneacha, áiteanna, comhthéacs agus mionsonraí an chomhrá.
Ba chóir an t-eolas seo a sheoladh go dtí an OTA agus tuairisc faoi a choimeád sa scoil.
Má tá an tuairisceoir nó ball foirne agus an OTA sásta go bhfuil bunús leis an amhras/líomhain, ba chóir dul ar aghaidh leis na nósanna imeachta atá leagtha amach i “Tús Áite do Leanaí” – Mír 4.4 lch 38 (Aipindic 10) agus cloí leo.
Cuirfear Cathaoirleach an Bhord Bainistíochta ar an eolas sar a dtéann an OTA i dteagmháil leis na húdaráis chuí muna mbíonn gá le gníomhú gan mhoill ar son leas an pháiste, agus sa chás sin is féidir an Cathaoirleach a chur ar an eolas tar éis don tuairisc a bheith seolta.
Proifisiúnach ar bith a mbíonn amhras air/uirthi faoi bhaol mí-úsáide, ba chóir do/di na tuismitheoirí/caomhnóirí a chur ar an eolas faoi tuairisc a bheith á chur ar aghaidh go dtí Feidhmeannas na Seirbhísí Slainte nó an Garda Siochána, ach amháin nuair a thuigtear do/di go gcuirfeadh sé an páiste i mbaol.
I gcás práinne, nuair a dhealraíonn sé go bhfuil páiste i mbaol láithreach agus go tromchúiseach, agus nuair nach féidir teacht ar oibrí sóisialta ar dualgas, is féidir dul díreach go dtí an Garda Siochána. Ní cóir riamh go bhfágfaí páiste i mbaol ag fanacht ar idirghabháil ón bhFeidhmeannas Seirbhísí Sláinte.
Líomhaintí in aghaidh Fostaithe Scoile
Is é leas an pháiste an chloch is mó ar phaidrín Chathaoirleach an Bhord Bainistíochta nó an OTA. Mar sin féin, bíonn cearta na bhfostaithe le cosaint i gcoinne líomhaintí mímhacánta nó mailíseacha.
Mar fhostaitheoirí, ba chóir don mBord Bainistíochta comhairle dlí a lorg i gcónaí mar ní mar a chéile gach cás.
Tá dhá chéim i gceist:
- Nós imeachta na tuairisce.
- Nós imeachta maidir leis an bhfostaí.
Ar an OTA a bhíonn an dualgas i dtaobh tuairisc a chur go dtí Feidhmeannas na Seirbhísí Sláinte. Ar an gCathaoirleach, Bord Bainistíochta, a bhíonn an dualgas, i gcomhair leis an mBord, déileáil leis na cúrsaí fostaíochta. Más i leith an OTA a bhíonn an líomhain, caithfidh Cathaoirleach an Bhord Bainistíochta a bheith freagrach as tuairisc a chur faoi go dtí Feidhmeannas na Seirbhísí Sláinte.
Tuairisciú
Nuair a chuirtear i leith fostaí scoile gur deineadh mí-úsáid ar pháiste, ba chóir don OTA feidhmiú láithreach de réir na nósanna imeachta atá leagtha amach sa doiciméad “Cosaint Leanaí”.
Ba chóir tuairisc i scríbhinn ag cur síos ar an líomhain a lorg ón duine/bhforas a bhfuil an gearán á dhéanamh aige. Ba chóir don OTA Cathaoirleach an Bhord Bainistiochta a chur ar an eolas i gcónaí.
Más fostaí scoile seachas an OTA a gheibheann eolas faoi líomhaintí i leith fostaí scoile eile, ba chóir dó/di an OTA a chur ar an eolas láithreach. Má bhíonn amhras ar fhostaithe scoile faoi fhostaí scoile eile, ba chóir dóibh dul i gcomhairle leis an OTA. Leanfar na nósanna imeachta atá leagtha amach ansin.
Ba chóir don gCathaoirleach Bhord Bainistíochta agus an OTA an fostaí a chur ar an eolas ansin, go príobháideach
- go bhfuil gearán déanta ina leith agus
- faoi ábhar an ghearáin
- pé acu go bhfuil/mbeidh/gur cóir go gcuirfí Feidhmeannas na Seirbhísí Sláinte nó na Gardaí ar an eolas faoi.
Ba choir go dtabharfaí cóip i scríbhinn den líomhain agus cáipéis eile ar bith a bhaineann le hábhar don bhfostaí. Ba chóir iarraidh ar an bhfostaí freagairt i scríbhinn don líomhain agus é a chur go dtí an Bord Bainistíochta taobh istigh de thréimhse ama áirithe agus ba chóir a chur in iúl dó/di go bhféadfaí an doiciméad seo a sheoladh ar aghaidh go dtí na Gardaí, Feidhmeannas na Seirbhísí Sláinte agus comhairleoirí dlí.
Is den riachtanas i gcónaí go ndéanfaí an páiste a chosaint ó bhaol más féidir é a sheachaint. Dá bhrí sin, mar bheart práinne, ba chóir don gCathaoirleach féachaint chuige go ndéantar socruithe cosanta cuí. Ba chóir go mbeadh na socruithe seo i gcomhréir le méid an riosca agus gan píonós rómhór a chur ar an bhfostaí ach amháin ar son leas an pháiste.
Má mheasann an Cathaoirleach go bhfuil gá leis, ba chóir go mbeadh cruinniú ag an mBord Bainistíochta chun an cheist a phlé. Má bhíonn aiseolas ar fáil ó Fheidhmeannas na Seirbhíse Sláinte, na Gardaí nó foinse ábhartha eile, is féidir leis an mBord é a phlé. D’fhéadfadh sé tarlú go molfadh an Bord don bhfostaí go mb’fhearr dó/di dul ar saoire riaracháin fad is a bheadh an cheist a plé. Má bhíonn an Bord in amhras faoi seo ba chóir comhairle a lorg ó na Gardaí, Bainisteoir Cúram Leanaí (Feidhmeannas na Seirbhísí Sláinte) agus/nó comhairleoirí dlí an Bhoird.
Saoire Riaracháin
Má dhéanann an Bord Bainistíochta cinneadh gur fearr nach mbeadh an fostaí i láthair sa scoil, ba chóir go bhféachfaí ar seo mar shaoire riaracháin le pá seachas a bheith ar fionraí agus nach dtabharfadh sé le fios go raibh ciontacht i gceist. Ba chóir an Roinn Oideachais agus Eolaíochta a chur ar an eolas láithreach.
Bord Bainistíochta
Ba chóir don gCathaoirleach an Bord Bainistíochta a chur ar an eolas maidir leis na sonraí ar fad agus a chur ina luí ar na baill gur den riachtanas é go gcoimeádfaí na cúrsaí seo faoi rún – agus go ndéanfaí próis chuí an dlí a chomhlíonadh, ar bhonn rialacha an cheartais aiceanta.
Cumarsáid
Cuirfear iomlán an pholasaí seo in iúl d’achan oibrí scoile agus beidh cóip indibhidiúil ag gach oibrí scoile dóíbh féin.
Cuirfear in iúl do thuismitheoirí go bhfuil an polasaí ar fáil dóibh san oifig nuair is mian leo é a fheiceáil.
Athbhreithniú agus Monatóireacht
Déanfar monatóireacht ar an pholasaí seo go rialta agus déanfar athbhreithniú air nuair a bhíonn gá leis.