Na cuspóirí atá ag an polasaí tinrimh i Scoil Mhuire Caiseal(2) ná:

1. a mholadh do dhaltaí dul chun na scoile go rialta agus go poncúil.
2. go mbeadh comhphobal na scoile ar fad gafa le cothú tinrimh.
3. comhphobal na scoile a chur ar an eolas maidir le ról agus freagrachtaí, de réir an Achta.
4. daltaí a aithint a d’fhéadfadh a bheith i mbaol fadhbanna maidir le tinreamh.
5. a chinntiú go bhfuil nósanna imeachta ag an scoil chun tinreamh/rannpháirtaíocht a chur chun cinn.
6. comhchaidreamh a fhorbairt, de réir mar a mbíonn acmhainní ar fáil, idir an scoil agus clanna na bpáistí a d’fhéadfadh a bheith i mbaol fadhbanna maidir le tinreamh.
7. sainaithint a dhéanamh ar na bacanna i gcoinne tinrimh, agus deireadh a chur leo, chomh fada agus is féidir.

Cinnteoidh an scoil:

• Go gcuirfear chun cinn tábhacht an tinrimh ar fud na scoile.
• Go gclárófar daltaí i gceart agus go héifeachtach.
• Go ndéanfar taifead ar thinreamh go laethúil.
• Go ndéanfar teagmháil le tuismitheoirí/caomhnóirí i dtaobh neamhláithreachtaí a bhfuil cúiseanna anaithnid acu nó i gcás nár tugadh cúis.
• Go ndéanfar monatóireacht ar thinreamh agus poncúlacht.
• Go ndéanfar staitisticí tinrimh a thuairisciú, de réir mar ba chóir go:
• an Bord um Leas Oideachais
• an tOifigeach Leasa Oideachais
• an Bord Bainistíochta

Poncúlacht

Osclófar an scoil do na páistí agus tá sé riachtanach go mbeadh daltaí ina gcuid seomraí ranga ag a 9.20a.m. ar a dhéanaí. Tá sé de dhualgas ar mhúinteoirí agus ar dhaltaí bheith in am. Déanfaidh an scoil teagmháil le tuismitheoirí/caomhnóirí i gcás daltaí a bhíonn mall go rialta. Tá sé de dhualgas faoin Acht ar an bPríomhoide tuairisc a thabhairt don mBord um Leas Oideachais i gcás daltaí a bhíonn mall go rialta.

Treoir do thuismitheoirí

Deireann Alt [(21) (9)] den Acht go “measfar nach bhfuil mac léinn as láthair ón scoil i gcás ina bhfuil aon tréimhse neamhláithreachta údaraithe ag an bpríomhoide agus go mbaineann sí le gníomhaíochtaí a bheidh eagraithe ag an scoil nó a bhfuil baint ag an scoil leo”. Ní féidir leis an príomhoide neamhláithreacht daltai a údarú i dtaobh saoire i rith am scoile. Tá sé riachtanach, áfach, go gcuirfeadh na tuismitheoirí in iúl don scoil maidir le socruithe mar seo.

Caithfear cúiseanna neamhláithreachta a chur in iúl don scoil i scríbhinn ag tuismitheoirí/caomhnóirí agus coimeádfaidh an scoil na cáipéisí seo. Nuair a fuilleann páiste ar an scoil tar éis tréimhse neamhláithreachta, tugann an múinteoir ranga an foirm neamhláithreachta dó/di. Líonann an tuismitheoir/caomhnóir isteach na sonraí ar an bhfoirm seo agus curifear ar ais chuig na scoile é an mhaidin dár gcionn. Ins an dialann obair bhaile tá spás do na sonraí seo fosta agus is féidir leis an tuismitheoir swo a líonadh isteach go pearsanta dóibh féin. Caithfear an foirm neamhláithreachta áfach a sheoladh ar ais chuig an múinteoir ranga. Coinnitear iad i líomhán san oifig. Beidh na nótaí seo mar thaifead a d’fhéadfadh an t-oifigeach leasa oideachais a scrúdú ar cuairt chuig na scoile. Déanfaidh an scoil teagmháil leis an Oifigeach Leasa Oideachais in éagmais cúiseanna i scríbhinn a bheith faighte ag an scoil. Déanfaidh an scoil teagmháil le tuismitheoirí in éagmais cúis neamhláithreachta scríofa a bheith faighte ag an scoil.

Páistí a fhágann an scoil roimh dheireadh an scoil-lae nó nach dtagann ag tús an scoil-lae.

Iarrtar ar thuismitheoirí cuir in iúl don scoil má bhíonn ar pháiste an scoil a ghágáil roimh a 3 a chlog(2 a chlog do na Naíonáin) Caithfear seo a scríobh i bhfoirm nóta agus cúis an ‘fhágail’ a chuir air. Má bhíonn aon duine eile seachas an tuismitheoir ag piocadh suas an pháiste caithfear seo a chuir in iúl sa nóta. Muna bhfuil nóta leis an pháiste ar maidin iarrtar ar an duine atá ag piocadh suas an pháiste an leabhar ‘imeachtaí’ a shíniú san oifig. Baineann seo le uair ar bith chomh maith nuair a thágann páiste ar scoil tar éis don rolla a bheith déanta.

Is féidir le tuismitheoirí/caomhnóirí dea-thinreamh a spreagadh trí:

• Poncúlacht agus tinreamh rialta a chinntiú.
• Cur in iúl don scoil munar féidir lena gcuid páistí freastal ar scoil ar chúis ar bith.
• Comhoibriú leis an scoil agus an tseirbhís Scoile agus Oideachais chun fadhbanna tinrimh a shárú.
• Cinntiú go dtuigeann na páistí go dtacaíonn tuismitheoirí le tinreamh scoile.
• Neamhláithreachtaí pleanáilte a phlé leis an scoil.
• Más féidir in aon chor, saoire in am scoile a sheachaint.
• Suim a léiriú i dtaithí scoile na bpáistí agus ina gcuid obair bhaile.
• Iad a spreagadh chun páirt a ghlacadh in imeachtaí scoile.
• Moladh agus spreagadh a thabhairt dá gcuid páistí.
• Féin-íomhá dearfach a chothú ina gcuid páistí, chomh maith le meon dearfach maidir lena bhfiúntas pearsanta féin.
• Cur in iúl don scoil i scríbhinn na fáthanna nach féidir le dalta a bheith ar scoil.
• Cinntiú, chomh fada agus is féidir, go socraítear cinní (le fiaclóirí 7rl) ag amanna lasmuigh d’uaireanta scoile.
• Teagmháil a dhéanamh leis an scoil láithreach, i gcás cúiseanna imní maidir le tinreamh nó ábhair ghaolmhara eile.
• Cur in iúl don scoil roimh ré i scríbhinn i gcás go mbeadh páiste/í le bailiú ag duine nach bhfuil aithne ag an múinteoir air.

Daltaí

Tá sé de dhualgas soiléir ar dhaltaí bheith i láthair ar scoil go rialta agus go poncúil.

Caithfidh daltaí aon fhadhb a choimeádfadh ón scoil iad a chur in iúl don bhfoireann.

Tá daltaí freagrach as an bhfoirm neamhláithreachta óna dtuismitheoirí a thabhairt suas gan mhoill don muinteoir ranga.

Tá daltaí freagrach as comhfhreagras scoile a thabhairt suas dá dtuismitheoirí, ar an lá luaite.

Straitéis chun deathinreamh scoile a chothú

Is mian leis an mBord Bainistíochta atmaisféar dearfach a chothú sa scoil chun dea-thinreamh a chur ar aghaidh. Chuige seo:

• Bíonn curaclam na scoile so-lúbtha, chomh fada agus is féidir, agus oiriúnach do riachtanais an pháiste indibhidiúil.
• Cothóidh an scoile forbairt dea-féinchoincheapa agus féinmheasa i measc na ndaltaí.
• Beidh tacaíocht curtha ar fail le haghaidh daltaí a bhfuil riachtanais speisialta oideachais acu i gcomhréir le treoirlínte ROE.
• Beidh córas duaiseanna ar leith ann chun dea-thinreamh scoile a chothú. Ag deireadh gach bliain bronntar teastas agus dearbhán €10 ar aon pháiste a shroicheann lán tinrimh.
• Bainfear úsáid as seirbhísí An Oifigigh Oideachais (Leas).
• Déanfaidh an múinteoir ranga monatóireacht ar rátaí tinrimh na ndaltaí i dtús báire, agus cuirfidh sé/sí an Príomhoide ar an eolas maidir le dalta ar bith a bhfuil bhfuil fadhb tinrimh aige/aici.
• Daltaí a bhfuil drochthinreamh á chleachtadh acu, tabharfar cuidiú dóibh, chomh fada agus is féidir, chun feabhas a chur ar an dtinreamh.

Príomhoide Scoile

Déanfaidh an Príomhoide

• A chinntiú go bhfuil clárleabhar na scoile líonta isteach go rialta i gcomhréir leis an rialúchán.
• An tOifigeach Oideachais (Leas) a chur ar an eolas
• Muna mbíonn dalta ag freastal ar scoil go rialta
• Nuair a bhíonn dalta as láthair ar feadh breis is 20 lá i rith na scoilbhliana
• Nuair a bhíonn dalta ar fionraí ar feadh breis is 6 lá
• Nuair a bhaintear ainm dalta den gclár scoile
• Tuismitheoirí a chur ar an eolas faoi chinneadh a bheith déanta chun dul i dteagmháil leis an Oifigeach Oideachais (Leas) maidir le himní i dtaobh dalta
• Chomh fada agus is féidir, tábhacht an dea-thinrimh a chur ar aghaidh i measc daltaí, tuismitheoirí agus foireann na scoile.

Múinteoir Ranga

Déanfaidh an múinteoir ranga:

• Leabhar rolla na scoile a bheith líonta isteach de réir na rialacha
• Taifead a choimeád maidir le neamhláithreachtaí le agus gan míniú
• Teagmháil a dhéanamh le tuismitheoirí nuair nach gcuirtear ar ais an foirm neamhláithreachta agus nach bfhuil aon eolas faoi neamhláithreachtaí sa dialann scoile.
• Córas duaiseanna a bhronnadh le haghaidh daltaí a mbíonn tinreamh den scoth acu.(neamh-fhoirmiúil)
• Na daltaí a spreagadh chun freastal go rialta agus go poncúil.
• An Príomhoide a chur ar an eolas má bhíonn imní air/uirthi maidir le tinreamh dalta ar bith.

Taifead/Cumarsáid

I gcomhréir le srianta Acht um Chosaint Sonraí cuirfear ar aghaidh sonraí tinrimh agus iompraíochta chomh maith le torthaí acadúla daltaí a aistríonn go dtí bunscoil eile go dtí Príomhoide na scoile, sa phost, chomh luath agus a fhaightear fógra i scríbhinn faoin aistriú.

Lorgófar sonraí tinrimh agus iompraíochta chomh maith le torthaí acadúla daltaí a aistríonn ó bhunscoil eile go díreach ón scoil ar a raibh an páiste ag freastal roimhe sin.

Cuirfear ar aghaidh sonraí tinrimh agus iompraíochta chomh maith le torthaí acadúla daltaí a aistríonn go dtí scoil dara leibhéal, má iarrtar iad, go dtí an scoil chomh luath is a fhaightear deimhniú rollaithe.