Cúlra
Tá Scoil Mhuire suite in íochtar leithinis Fhánada. Scoil Ghaeltachta í agus sí an Ghaeilge príomhtheanga na scoile. Tá dhá bhaile fearainn is tríocha sa Ghaeltacht imeallaigh seo cé go bhfreastaíonn roinnt páistí ó thaobh amuigh den Ghaeltacht uirthi freisin.
Tá stair fada oideachais ag Caiseal, ag dul siar go lár na 19ú aoise, nuair a bhunaigh an Dochtúir William Baillie Scoil Naisiúnta Ghléib Chaiseil (a Church Education Society). Bunaíodh an chéad scoil Chaitliceach i 1873. Tógadh scoil úr i 1911 agus mhair sí seo go 1956. Ní raibh aon cheann acu seo ar an suíomh céanna le scoil an lae inniu.
Tógadh an scoil seo i 1956. Rinneadh comhnascadh ar SN Bhaile Mhíchíl agus SN Bhaile Láir le SN Caisil tar eis trí sheomra réamhdhéanta a chur léi i 1972. I mbliain na mílaoise tógadh 4 sheomra ranga úr agus halla fairsing. Fé láthair 72 scoláire cláraithe, le ceathrar múinteoirí.
Meon na Scoile
Scoil Naisiúnta Chaitliceach í Scoil Mhuire Caiseal faoi riarthóireacht Easpaig Rathbhó. Tá sí fan réir rialacha agus rialacháin an Roinn Oideachais. Scoil chomoideachais í. Cothaítear meon na Críostaíochta i bpobal na scoile. Tosníonn gach maidin le paidir. Deirtear paidreacha oiriúnacha i gcaitheamh an lae, mar shampla paidir ag deireadh an lae agus altú roimh bhia agus tar éis bia. Bíonn deiseanna i rith na bliana do cheiliúradh, Aifrinn agus do chuairteanna an tSagairt. Ullmháitear páistí don Chead Chomaoineach agus do Chóineartú. Déanann an scoil gach dícheall chun eitic oibre, córa agus ómóis do dhaoine eile agus daoine eile agus dá maoin a fhorbairt. Cuirtear béim ar chreideamh, grá, firinne, guaim agus ionracas mar shuailcí go h-iondúil sa scoil.